The Remorse of Conscience

sig: [A1]

¶The remors of conscyence.

¶Here begynneth certayne demonstracyons by our lorde to all synfull persones with the Remors of mannes conscyence to the regarde of the bounte of our lorde.

sig: [A1v]

sig: A2

Deus.

OUr gracyous god moost in magnyfycence

His mercyful eyen casteth from heuen on hi

Seynge his creatures in deedly vyolence

Hym-selfe complayneth by pyte full rut[h]fully ruthfully] rutfully 1534

Sayenge o man deuoyde of intellygence

Open thyne eeres vnto my call and crye

And tell me yf I haue done to the offence

That thou forsakest m[e] wyllyngly me] my 1534

Man suche a loue to the I dyde take

This world in seuen dayes whan I it wrought

Thou was the laste thynge that I dyd make

Bycause I wolde thou wanted nought

What thynge the myght helpe dyd not lake

That at thy nede yf it were sought

Fowle fysshe all-thynge for thy sake

For thy comforte all was forth brought

Moreouer I gaue the that dygnyte

All beestes to bowe the vntyll

I made the also lyke vnto me

And gaue the connynge and freewyll

Me to serue that thou sholde se

To chose the good and leue the yll

I aske nothynge agayne of the

But loue thy souerayne as it is skyll

But vnto this takest thou none entente

Thou tournest fro me full vnkyndly

On loues vnlefull thy loue is lente

Thy herte beholdeth not heuen so hye

For all the goodes I haue the sente

The lysteth not ones to saye gramercye

In tyme to come or thou repente

Man make amendes or that thou dye

sig: [A2v]

Homo.

A crysten soule conceyued in synne

Receyued in conscyence thus complanynge

He fell downe flatte with delefull dynne

And sayd lorde mercy souerayne kynge

I moost vnkynde wretche of man-kynne

I knowe I am thy traytour vntrue in my lyuynge

This wycked lyfe that I lyue in

I may it nought hyde frome thy knowynge

I want wordes and also wytte

Of thy kyndnesse to speke a cause

That I haue thou gaue me it

Of thy goodnes withouten cause

Thoughe I haue greued the and do yet

Thy benefaytes thou nought withdrawse

I haue deserued to haue hell-pytte

So haue I lyued ayenst thy lawse

But lorde thou knowest mannes feblenesse

How frayle it is and hath ben aye

For thoughe the soule haue thy lykenesse

Man is but fulsome erthe and claye

In synne conceyued and wretchednesse

And to the soule rebell alwaye

Fyrst a man groweth as dooth gresse

And he wasteth after as floures or haye

Syth man is than so frayle a thynge

And thy power so grete in kynde

This worlde is but a twynkelynge

Thou mayst destroye the myght of the fynde

With thy ryght lorde mercy mynge

And to my sore salue thou sende

Sore me repenteth of my myslyuynge

Mercy lorde I wyll amende

sig: A3

Deus.

Man I gaue the bodyly hele

That thou sholde it spende in my seruyce

Fayrenes also and fetures fele

Man what doost thou with all thyse

Thou with delytes of the deuyll doost dele

Whiche is to me a great despyse

Thou lyuest a lecherous lyfe vnlele

Fro yere to yere thou lyst not ryse

Thou studyest after nyce araye

And makest great cost on thy clothynge

To make the semely as who sholde saye

Thou coudest amende my makynge

Thou purposed the daye by daye

To set my people in synnynge

Thy wretched wyll thou folowest alwaye

What ende synne hath thou thynkest nothynge

In Noes tyme bycause of synne

And for lecherye in especyall

What vengeaunce came than to mannes kynne

Saue .viij. persones drowned were all

On Sodome / and Gomor / and the men within

How I made fyre and brymstone fall

Fro heuen on them that bode therin

For synne were destroyed bothe great and small

Man wenest thou my myght be lesse

Than it was than or that elles I

Thou hast no as moche wyck[e]dnesse wyckednesse] wyckdnesse 1534

As whan I smote the moost pyteously

But yf thou wyll thy fautes redresse

Thought I now spare for my mercy

Man thynke on my ryghtwysnesse

And make amendes or that thou dye

sig: [A3v]

Homo.

I wote well lorde ryghtfull thou arte

And that synne must be punysshed nede

But one thynge holdeth in hope my herte

100

Thy mercy passeth my mysdede

I know well that I may not sterte

I haue so done me ought to drede

With beaute and with bodely quarte

To serue the I haue taken no hede

105

I haue myspende my yonge age

In synne and wantonnesse also

To serue god slowe / and loued to rage

A gloton / a lechour I was bothe-two

I am worth none other wage

110

But for to dwell in endlesse woo

Alas why haue I ben outrage

And serued the fende that is my foo

But lorde in holy wryte rede we

That thou forsakest no wretched wyght

115

That leueth his synne and tourneth to the

And to tourne to the haue I hyght

Full proude and rebell haue I bene

But now I take me to thy myght

From hens-forwarde to be clene

120

Ayenst myn owne flesshe to fyght

My flesshe to feble I wyll fast

My bones to trauayle and to tene

And through thy grace I am not agast

What sore and sekenesse on me sene

125

To suffre whyle my lyfe may last

For vtterly I wyll attende

To punysshe that I haue trespast

Mercy Iesu I wyll amende

sig: [A4]

Deus.

Man I haue sent the syluer and golde

130

And all thy welth within thy wone

To susteyne the and thy housholde

And also other many one

Thou myght haue holpen yonge and olde

That ben deseased and woo-begone

135

My seruauntes suffred bothe hungre and colde

Relefe of the yet haue they none

If thou gyue for my loue a farthynge

Thou doost it with an heuy herte

In almesse thou gyuest nothynge

140

For drede thou fall in pouerte

In flesshely lust and worldly lykynge

What-euer thou wastest mery thou arte

Of suche I wyll haue a rekenynge

At domes-daye thou shalte not astarte

145

Than shalte thou gyue a_countes full streyte

How thou comest by thy good eche-dele

Whether with trouth or with deceyte

And how thou spende it yll or wele

None other grace thou after wayte

150

As thou hast wrought so shalte thou fele

What shall than profyte thy good in plate

Or poundes that thou of the people pele

A clene conscyence shall that daye

More profyte the and more set by

155

Than all the goodes or the monaye

Tha[t] euer was vnder heuen or skye That] Than 1534, that A, þat B

It wyll neuer helpe to plete nor praye

For as ryghtwyse than deme wyll I

And therfore man whyles thou maye

160

Make amendes or that thou dye

sig: [A4v]

Homo.

I wote well lorde fro yere to yere

Full greatly greued I the haue

That I wolde nor [thy] mercy were thy] they 1534

My mothers wombe had be my graue

165

For what profyteth my lyuynge here

But afterwarde I sholde be saue

But Ihesu as thou bought me dere

Leue not my soule in hell-caue

My waste expense I wyll withdrawe

170

For waste well called maye it be

For it was spended my boost to lawe

My name to bere on londe and se

Well I wote me there not trowe

Thoughe many a man of my countre

175

If they me mette they dyd me not knowe

Nor neuer yet herde speke of me

Falsly I haue wrought as wretche vnwyse

I myght haue goten me moche mede

Had I it spente in goddes seruyce

180

But [th]rough [thy] grace lorde I am in drede through thy] brought they 1534

As men that lyeth and may not ryse

For haue I a[nd] myn all our nede and] am 1534

With the remenaunt lorde at thy deuyse

The poore and naked [to] cloth and fe[d]e to] with 1534; fede] fere 1534This stanza is substantially corrupt in 1534, and the above emendations have been made with help from A and B

185

Seke men that lyen in goddes bandes

That haue no syluer for to spende

And prysoners bounde bothe fete and handes

Ofte to vysyte and them attende

Whan I se them that in nede standes

190

Suche as I haue I shall them sende

Lorde let these werkes lesse my bande

And mercy Ihesu I wyll amende

sig: B1

Deus.

Man yf thou amendes wylte make

Gyue thyne almes of thyn owne goodes

195

And se thou werke no man to wrake

To venge ony other mennes modes

If thou vntruely from ony take

And therwith fynde forty theyr fodes

Suche sacryfyce I forsake

200

They be to me as souer as wormewode

The pore people thou doo oppresse

With sleyghtes and wyles many one

Thou makest chyrches and do synge messe

Thou mendest wayes where men ouer_gone

205

And some men curse and some men blesse

Whiche shall I here of these two

If thou wylte haue grace as I gesse

Let all falsenes be fledde the fro

The mothes that thy clothes ete

210

And thou lettest pore men go bare

Thy drynke soureth and mouleth thy me[t]e mete] mere 1534, metis A, mete B

Wherwith the poore man myght well fare

The rust that thy syluer dooth frete

Thy goodes that euyll-goten are

215

They crye on the vengeaunce grete

The for to spyll but yet I spare

With_holdest [thou] here ayenst the ryght thou] 1534 omits

Frome thy seruauntes vpon the crye

Man oftentymes thou hast me hyght

220

Thou wolde amende and leue foly

Thou spekest full fayre bothe daye and nyght

Thou brekest my commaundementes contynually

Yet is me lothe with the to fyght

But make amendes or that thou dye

sig: [B1v]

Homo.

225

Swete lorde I may not agayn[e]_saye agayne_saye] agaynst saye 1534, Ayenst þe saye A, aȜen say B

I haue not holden that I the hyght

I greue the gretely euery daye

I do not as I had the plyght

I wolde do well but welawaye

230

With enemyes I am euer beset

Whan my soule fayne wolde the paye

My flesshe is fyrst that wyll me let

And euer the farder that I it fede

Euer the fressher it is my foo

235

Yet bere it aboute I must nede

Full feble it is it wyll me sloo

The worlde / the fende / the flesshe / they bede

Some with well and some with woo

What may I do with a wycked wede

240

To fyght ayenst thre enemyes soo

Whan I enforce me other-whyles

And thynke I wyll lyue a true lyue

And forsake all batayles and gyles

The worlde byddeth me batayle belyue

245

And but I wyll vse wrethes and wyles

The comen voyce is I shall not thryue

Some me scorneth and at me smyles

And counte me but a kynde caytyue

But now I thynke withstondynge this

250

To forsake falnesse withouten ende

And restore that I toke amys

And paye my dettes fayre and hende

And to rewarde eche man his

As reason is than wyll I spende

255

And gyue myne almesse there nede is

Mercy Iesu I wyll amende

sig: B2

Deus.

Man I haue sente the kyndly syght

And vnderstandynge skyll and wytte

To rule thy-selfe by reason ryght

260

As reherseth holy wryte

That clerely sheweth the godly lyght

How thou sholde deedly synne forsake

And on that maner thou please me myght

What ayleth the thus fro me to shake

265

Worlde rychesse royall repayre

In welth and thynges of Iolyte

Fysshes / beestes / and byrdes of the ayre

These thynketh me semely for to se

That thynge that peressheth and dooth appayre

270

Unto the syght thus pleasynge be

Well mayst thou wytte I am full fayre

Of whome eche thynge hath this beaute

But man as thou wytlesse were

Tho[u] lokest aye downwarde as a beest

275

It behoueth the of me to here

Foule-spekynge is to the a feest

I comforte the I make the chere

And thou inwardly louest me leest

I call the vnto me yere by yere

280

Thou wylte not come at my request

As fro thy foo thou fro me f[lees] flees] feles 1534, flees B

I folowe the fast and on the crye

Thou wrappest the with all vanytes

And thynke my speche to the but folye

285

And [for] a thynge that nought is thou wylte lese for] 1534 omits, for B

My Ioye that lasteth endless[ly]e endlesslye] endlesse 1534, eendeleesly B

Man yet vyce leue and vertue chese

And make amendes or that thou dye

sig: [B2v]

Homo.

Swete Iesu none answere I can

290

But ofte crye mercy with herte stable

Alas for woo why is a man

Worse than a beest vnreasonable

All beestes sythen the worlde began

In kyndly werkynge ben durable

295

Saue onely I of wyll wan

That do full many dedes dampnable

I was made to knowe my maker

And to loue hym ouer all-thynge

And I a sleper and neuer waker

300

To take kynde knowynge of my kynge

To tryfles haue I ben a great hede-taker

A songe of sorowe maye I synge

For had I ben of synne a forsaker

Of cryste sholde I haue [had] some knowynge had some] ben some 1534, hade A, had B

305

My ghoostly eyen ben full of duste

Cursed couetyse hath blynded me

They ben blodeshotten with fleshly luste

That heuenly kynge maye I not se

But lorde though I haue ben vniuste

310

Through helpe of thy benygnyte

I hope to rube awaye the ruste

With repentaunce and grace of the

And where that I haue afore this

My wyll in worldly thynge haue spend

315

From hens-forwarde my purpose is

Thy lawe to lerne to my lyues ende

The .x. commaundementes truly Iwys

Them to kepe I wyll me bende bende] mende bende 1534, bende A, B

And there-as I haue done amys

320

Mercy Ihesu I wyll amende

sig: B3

Deus.

Man my mercy yf it be in thy mynde

I haue the it shewed in many wyse

Sythen the tyme thou fyrst synde

Ayenst my commaundemente in paradyse

325

In hell-pryson whan thou were pynde

For doynge of the deuylles deuyse

Out of thy tene to betwynde

Mercy and loue thyn helpe were thyse

Mercy was thyn aduocat chefe

330

That I for the toke flesshe and blode

Loue made the to be soo lefe

That I for the was rente on rode

I suffred deth to chaunge thy grefe

And vnto hell than downe I yode

335

And brought the to blysse fro reprefe

Man I haue ben thy frende full gode

I bec[a]me poore the ryche to make became] become 1534

To make the whyte I was made reed

My sorowe my sekenes made thyn to slake

340

My hungre dyde bake thy blysfull breed

I bonde my-selfe [th]y bondes I brake thy] my 1534, þy A, þi B

To gete the lyfe I suffred de[d]e dede] dethe 1534, dede A, þe deede B

What sholde I do more for thy sake

To hele thy fote was hurte my hede

345

Now yf thou thynke I myght more do

For thy sake I am redy

To dye agayne yf nede were therto

Suche loue to the [man haue I] to the man haue I] to the 1534, man to the haue I A, to þee man haue y B

I hyght the myrthes and Ioyes moo This line is set continuously with the previous one in 1534

350

But thou arte moost thyn owne enmye

For ought I bydde thou wylte do soo

Man make amendes or thou dye

sig: [B3v]

Homo.

Lorde whan I on thy pouerte aduerte

And how wylfull thou were and fayne

355

To suffre for my woundes smerte

To slee my synnes thou were slayne

Harder than yron is my herte

That hath no pyte of thy payne

Euer the kynder to me thou arte

360

The more vnkynder I am agayne

Why woldest thou lorde be slayne for me

That am thyn enemy moost vnhende

Syth no man hath more charyte

Than deth to suffre for his frende

365

By what skyll sholde thou so slayne be

Syth I made me thrall to the fende

I trespasset lorde why ne smote thou

Now blessyd be thou withouten ende

I se well lorde that thou louest vs

370

For our profyte and ne for thyne

For what were thou the worse Iesus

Though all we were in endles pyne

Alas why be we so vycyous

And so vnkyndly from hym declyne

375

That is our god so gracyous

And so lothe man soule to pyne

But swete lorde as thou hast begon

So let thy mercy forth extende

Put thy crosse and thy passyon

380

Bytwene my werkes worthy to be brende

And thy dome that I may not shonne

That houndes of hell come me not hende

Who but the father sholde helpe the sone

Mercy Iesu I wyll amende

sig: [B4]

Deus.

385

Man yf thou wylte my mercy gete

Thrugh my passyon of moost vertue

Why ceaseth thou not me for to bete

Eche daye on the crosse [thou] doost me newe thou] 1534 omits, þu A, B

With deedly synne on morowe at mete

390

As tourmentours to me vntrue

And namely with thy othes grete

To swere thou wylte nothynge eschewe

No lymme of me / nor thou derest

Why sayest thou euyll ayenst good

395

By my soule ofte-tyme thou swerest

By my body and by my blode

With thy tongue thou me all to_terest

Whan thou arte wrothe and almoost wode

Man with thyn vnkyndnes thou me derest

400

More than they rente me on the rode

Thou hast more pyte of thy too

If it be hurte and a lytell blede

And all that euer I dyd doo

I suffred it for thy mysdede

405

Whan thou arte taught that thou sholde do

Of swerynge but whan it were nede

Thou scornest them that sayeth so

Thou takest to my byddynge no hede

Loude lesynges on me thou makest

410

Somtyme to wynne an halfe-peny

Whan to wytnesse thou me takest

And yet thou forswerest the wylfully

Byenge and sellynge thou not forsakest

But vayne and false to swere me by

415

Whan thou doest thus thy bale thou takest

Man make amendes or that thou dye

sig: [B4v]

Homo.

Swete Iesu how sholde I agayne_saye

But that I am a caytyfe and more curste

That dooth on the curse euery daye

420

With great othes and werkes worste

And moche more the greueth than thay

On caluary that [s]lewe [the] fyrste slewe the] flewe 1534, slowen þee B

For had they knowen the for god veray

To do the to deth they had not durste

425

But I knewe the after my byleue

That thou arte god omnypotent

And I seace not the to greue

Well worthy am I to be shente

How mayst thou lorde suffre to meue

430

Of the traytours that the tourment

Meruayle it is I do not myscheue

Or am not kylled / drownet / or brent

The erthe swalowed quycke

[D]athan and abyron for theyr synne Dathan] Sathan 1534, Daton B

435

And as I wene they were neuer so wycke

As moost certyfefull mankynne

In deedly synne men dye now thycke

Dysease full grete now dooth begynne

Yet in my synne I stande and stycke

440

Euyll custome is full harde to blynne

I wolde be wanton and do euyll

But I wolde none me reprehende

But let me lyue after my wyll

This was lefull somtyme I wende

445

But now I se that it is skyll

Suche lyght lorde thou haste me sende

But I leue synne it wyll me spyll

Mercy lorde I wyll amende

sig: C1

Deus.

Man of thy-selfe it shall be_longe

450

If so be that thy soule be spylte

Forgyue them that done the wronge

A[n]d I shall forgyue the thy gylte

And yf thou be of herte so stronge

That in no wyse forgyue thou wylte

455

But venge thy-selfe with herte and tonge

As a traytour thou shalte be spylte

Thou getest no man the to saue

That no mercy on other hace

How maye thou of mercy craue

460

And thou wylte graunte no man thy grace

Mercyfull man shall mercy haue

Fell folke I slee fro my face

What example that I the gaue

Whan deth I suffred no tent I tace

465

I prayed for them that me dyseased

Though I myght a dampned them for aye

And yf thou be a lytell dyspleased

Thou curse[st] and varyest bothe nyght and daye cursest] cursed 1534, cursist B

For no techynge wylte thou be pleased

470

To venge the is thy wyll alwaye

Full foule sholde th[y] foos be f[eas]ed thy] thou 1534, þi B; feased] fayled 1534, fesid B

If thou myghtest as I on the maye

Without cause ofte thou arte wrothe

Unto thy frendes vnkyndfully

475

Whan they the teche and counseyle bothe

To leue thy wrathe and thyn enuy

With wordes great and spytefull othe

Thou defendest thy soule foulye

But the to lose I am full lothe

480

Man make amendes or that thou dye

sig: [C1v]

Homo.

Swete Iesu thynke thou made vs all

And how kynde and propre it is to the

On synfull men that to the call

To haue mercy and pyte

485

Thoughe I haue ben bytter as gall

For thy great pyte haue mercy on me

For thy loue that I neuer fall

But kyndl[e] in me charyte kyndle] kyndly 1534, kindele B

For I coude the people ken

490

And speke with aungelles tongues clere

And thought I delte amonge poore men

My worldly goodes all in fere

And though I dyde my body brenne

For loue of the that bought me dere

495

Yet all this profyteth me not thenne

In charyte but yf I were

And I wote lorde it is more pleasynge

To the Iesu my souerayne dere

To loue the lorde ouer all-thynge

500

And be in charyte and accorde here

With all my neybours by ryghtwyse delynge

Than for to faste throughe-out the yere

And all the masses the preestes synge

But yf I loue I am no comforte nere

505

Alas why haue I wrothfull ben[e] bene] ben 1534

That loue of my herte was not hende

I hated that neuer dyde me tene

I loued not hym that me good lende

I caste me no more to be kene

510

To loue myn enemyes I wyll attende

Shall I hym neuer curse I wene

Mercy Iesu I wyll amende

sig: C2

Deus.

Man yf thou wylte of bates blynne

And charyte kepe in euery chaunce

515

My mercy sone thou mayst wynne

So that thou do thy true penaunce

Loke thyn herte be contryte within

And be sory for thy mysgouernaunce

What profyteth to shryue the of thy synne

520

But thou in herte haue repentaunce

Thou shewest and penaunce doost none

For thy synne but thyn herte be sore

For worldly losse thou makest mone

Thou synnest and sorowest not therfore

525

And yf thou were woo-begone

What bytter medycyne geuen the wore

With Ioye thou woldest take it anone

To bodely helth the to restore

Thy soule with deedly synne is slayne

530

And without sorowe thy synne thou telles

To do suche penaunce thou arte not fayne

As thy [s]hryfte-father the counselles shryfte] thryfte 1534, schrift B

Ne thou wylte neuer restore agayne

Fals-goten goodes that thou with melles

535

Man thou must alwaye suffre payne

Here for thy synnes or somwhere elles

It is impossyble and may not be

To passe fro Ioye to Ioye on hye

Take the crosse and folowe me

540

If thou wylte to blysse vp stye

Sekenesse and all aduersyte

What and it come suffre it pacyently

Hate alwaye synne and fro it fle

And make amendes or thou dye

sig: [C2v]

Homo.

545

Lorde gyue me grace amendes to make

For of myselfe me fayleth powere

All deedly synne now I forsake

And wolde do dedes that medefull were

In this worlde sende me wo and wrake

550

For all my synnes done in fere

Who hath no sorowe here may quake

Them that thou louest thou chastyse here

For my sake .xxx. yere and moo

Great trauayle here in erthe thou hadde

555

Thy mother and thy apostles also

In great dysease theyr lyfe they ladde

In aduersyte and moche woo

The next two lines are wanting in 1534 and are restored from B

Martris and confessouris weren clad

In such a companye to goo

560

Euery good man sholde be gladde

Syth that derlynge that with the dyde dwell

Had suche aduersyte in her lyfe

That herte may thynke or tongue can tell

The payne the anguysshe and the stryfe

565

That dampned haue in hell

Than endlesse woo and sorowe be ryfe

I wyll forsake my synnes fell

And to a descrete preest me shryue

In true penaunce is myne entent

570

From hens-forwarde my tyme to spende

And kepe well thy commaundement

For elles in hell-fyre I shall be brende

Royall repayre ryche robes and rent

What may they helpe me at my ende

575

But I the serue I shall be shent

Mercy Iesu I wyll amende

sig: C3

Deus.

Man do penaunce whyle thou maye

Leest sodeynly I take vengeaunce

Bydde I the not daye by daye

580

For cause I wolde thou dyde penaunce

Man I am more redy alwaye

To forgyue thy misgouernaunce

The next two lines are wanting in 1534 and are restored from B

þan þou art mercy for to pray

For my wille were þee to enhaunce

585

Whan thou of all thy frendes haste made assaye This line retains the 'a' rhyme of the previous stanza as a result of the latter's defective state; B reads: 'Whanne þu alle þi freendis hast asaied'

Thou shalte fynde none lyke to me

Thou wylte amende ofte-tymes thou sayed

Agayne amendes no man may be

Do true penaunce and I am payed

590

From endles payne to make the fre

For thy loue my lyfe I layed

What frende sholde haue done so for the

With sorowfull herte thy synne thou shryue

And make amendes to thyn enemy

595

If thou thus leue thy wycked lyue

I wyll be therof gladde truely

Thynke oftentymes of lothes wy[u]e

And tourne not to thy synne agayne

Let no dyspayre downe the dryue

600

Thynke on Peter and Magdalayne

Man wype awaye thy wyckednesse

And kepe my byddynge by and by

And thou shalte haue in my palesse

Worshyp withouten vylany

605

No pouerte but all rychenesse

Helth / strenth / and wysdome truely

Thou shalte be full of all swetnesse

And than to lyue [a]nd neuermore dye and] dnd 1534

sig: [C3v]

Homo.

Graunte mercy Iesu croppe and rote

610

Of al frenshyp for in none fayles

Ayenst the I wyll not mote

But as ofte as me euyll ayles

I wyll fall downe flatte to thy fote

To helpe me in ghoostly batayles

The next two lines are wanting in 1534 and are restored from B

615

AȜens al bale lord þou be my boote

Whanne synne and sorowe me sore asailis

Now wote I where I shall me hyde

Whan I am stered to ony synne

In the great wounde of thy ryght syde

620

And be hertely hydde therin

As in a toure there may I abyde

For ought ye fynde can me ymagyn

For all this worlde that is so wyde

Therin is souerayne medecyn

625

There may no wanhope make me care

That haue [one] of [thy] aungelles so good one of thy] of they 1534, oon of þin B

To kepe me that I not mysfare

And thy mother myldest of mode

The next three lines are wanting in 1534 and are restored from B

þat schewiþ to þee hir pappis bare

630

For me of which þu soukedist foode

And to_fore þi fadir [and] mere maree

Lorde she[w]e vs thy woundes then Lorde shewe] Lorde shende 1534, þou schewist B

And than of mercy we may not mysse

And than to helpe crysten men

635

Now Iesu lorde thou vs wyshe

The next line is wanting in 1534 and is restored from B

and whilis we lyue such grace us sende

That we with the may byde to blysse

In Ioye and blysse withouten ende

That to thy people ordeyned is

640

That leue synne and them amende

AMEN.

sig: [C4]

¶Thus endeth the communycacyon bytwene god and man. Enprynted at London in Fletestrete at the sygne of the Sonne by me Wynkyn_de_Worde

sig: [C4v]