Sir Tryamour

sig: [A1]

Syr Tryamoure.

sig: [A1v]

NOw Iesu_chryste our heuen-kynge

Graunte you all his dere blessynge

And hye heuen for to wynne

If ye wyll a stounde laye to youre eere

Of aduentres ye shall here

That wyll be to your lykynge

Of a kynge and of a quene

That great Ioye had them betwe[ne] betwene] betwe 1561

Syr Aradas was his name

He had a quene named Margarete

She was as treue as steele and swete

And full false brought in fame

By the kynges stuarde that Marrocke hight

A tratoure and a false knight

Here-after ye wyll saye all the same

He loued wele that lady gent

And for she wolde not with him consent

He dyde that good quene moche shame shame] shamee 1561

Thys kynge loued well his quene

Bycause she was semely to sene

And as true as the turtel on tree

Ether to other made grete mone

For chyldren together had they none

Bygoten on theyr body

Therfore the kynge I vnderstonde

Made a vowe to go to the hole-lande

Ther fore to fyght and to sle

And prayed god that wolde sende him tho

Grace to gete a chylde bytwene them two

That [the] ryght [heyre] myght be the ryght heyre] there ryght 1561, the right heire P

So his vowe he dyde there make

And of the pope they crosse dyde he take

For to seke the londe where god hym bought

The nyght of his departinge on that lady mylde

sig: [A2]

[As god it wolde he gate a chylde] upper margin trimmed

But they bothe wyste it nought

And on the morowe whan it was daye

The kynge hyed on his Iourneye

For to tary he it not thoughte

Than the quene began to morne

Bycause her lorde wolde no lenger soiorne

She syghed sore and sobbed full ofte

The kynge and his men armed them ryghte

Bothe lordes barons and many a knyght

With him for to goo

Than bytwene her and the kynge

Was muche sorowe and mournynge

Whan they sholde departe in two

He kyssed and toke his leue of the quene

And of other ladies brighte and shene

A[n]d of Marrocke his stuarde also

The kynge commaunded hym on payne of his lyfe

All for to kepe well the quene his wyfe

Bothe in wayle and in woo

Nowe is the kynge forthe gone

To the place where god was on the crosse done

And warreth there a whyle

Than bethought this false stuarde

As ye shall here afterwarde

His lorde and kyng to begyle

He wowed the quene daye and nyght

For to lye with her and he myght

He drede no creature tho

Full fayre he dyde to that lady speke

That he mighte in bedde with her slepe

Thus full ofte he prayed her so

But she was stedfast in her thought

And herde hym speke and sayd nought

sig: [A2v]

Tyll he all his tale had tolde

Than she sayd Marroke hast thou noo thought

All that thou speke[st] is for nought spekest] speketh 1561, speakeest P

I trowe not that thou woulde

Full well my lorde dyde trust thee

Whan he to you delyuered me

To haue me vnder thy holde

And woldest full fayne

Do to thy lorde shame

Traytoure th[o]u arte to bolde thou] thau 1561, thou P

Than sayd Marroke vnto that lady

My lorde is gone nowe verely

A_gayne goddes foes to fyght

And without the more [w]onder be wonder] vonder 1561

He shall come no more at thee

As I am a true knyght

And madame we wyl worke so priuely

That whider he do lyue or dye

For of this shall wyte no wyght

Than waxed the quene wonder wrothe

And swore many a grete othe

As she was a true woman

She sayd treaytoure yf euer thou be so hardy

To shewe me of suche a velany

On a galowes thou shalt hange

Yf I may knowe after this

That thou tyce me to do a_mysse

Thou shalt haue the lawe of the londe

Syr Marroke sayd lady mercy

I sayd it for no velany

By Ihesu heuen-kynge

100

But onely for to proue your wyll

Whyther that ye were good or yll

And for none other thynge

sig: [A3]

But now madame I may well see

That ye be true as turtle on the tre

105

Unto my lorde the kynge

And that is to me bothe gladde and lefe

Therfore take it not in grefe

For no maner of thynge

And so the treatoure excused hym tho

110

The lady wende it had bene so

As the stuarde had sayde

He wente forthe and helde hym styll

And thought he coud not haue his wil

Therfore he was euyll apayde

115

So with treason and trechery

He thought to do her velany

Thus to hymselfe he sayde

Nyght and daye laboured he than

For to deceyue that good woman

120

So at the laste he her betrayed

¶Now of thys good queene leue we

And by the grace of the holy triniti

Full grete with chyld she dyde gone

¶Nowe of kynge Aradas speke wee

125

That full ferre in hethenesse is he

To fyghte agayne goddes fone fone] fonne 1561

Ther with his armi and with al his might

Slew many a proude sarzyn in fyghte

Grete worde of them there rose

130

In the hethen lond and also in Pagany

And in euery other londe that they came by

There sprange of hym grete lose

Whan he had done his pilgrimage

And laboured all that great v[ya]ge vyage] vayge 1561, voyage P

135

With all his good-wyll and lyberte

[A]t flome Iordan and at bedleem At] It 1561

sig: [A3v]

And at caluery besyde Iherusalem

In all the places was he

Than he longed to come home

140

To se his lady that lyued alone

He thought euer on her gretely

So longe they sayled on the fome

Tyll at the last he came home

He aryued ouer the salte stronde

145

The shyppes dyde stryke theyr saylles echone

The men were gladde that the kynge came home

Unto his owne lande

There was bothe myrthe and game

The quene of his cominge was full fayne

150

Eche of them tolde other tydynge

The kynge at laste his quene behelde

And sawe her go grete with childe

He wondred at that thyng

Many tymes he dyd her kysse

155

And made grete Ioye wythoute mysse

His hert made great reioysynge

Soone after the kynge herde tydynges newe

By marrocke that false knyght vntrewe

With treason he gan his lorde frayne

160

My lorde he sayd for goddes [p]yne pyne] byne 1561, P, pyne C

Of that chylde that neuer [was thyne] was thyne] thyne was 1561, thine was P

Why arte thou so fayne

Ye wene that it your owne be

But syr he sayde for certente

165

Your quene hath you betrayne

An-other knyght so god me spede

Bygate thys chylde syth you yede

And hath thy quene forlayne

Alas sayd the kynge how maye this be

170

For I betoke her vnto the

sig: [A4]

Her to kepe in wele and wo

And vnder thy kepynge how fortuned this

That thou suffred her [to] do amys her to do] her in do 1561, her doe P

Alas Marocke why dyde thou so

175

Syr sayde the stuarde blame not me

For moche mone she made for the

As thought she had loued no moo

I trowed on her no velany

Tyll I sawe one lye her by

180

As the mele had wrought

To hym I ca[m]e with eger mode came] canne 1561, came P

And slewe the traytoure as he stode

Full sore it her forthought Full] Fulll 1561

Than she trowed she sholde be shente

185

And promysed me bothe londe and rente

So fayre she me besoughte

To do with her al my wyll

Yf that I wolde holde me styll

And tell you nought

190

Of this said the king I haue gret wonder

For sorowe my herte wyll breke asonder

Why hathe she done amysse

Alasse to whome shall I me mone

Syth I haue loste my comly quene

195

That I was wont to kysse

The kyng sayd Marrocke what is thy rede

It is beste to brenne her to ded

My lady that hathe done me this

Now bycause that she is false to me

200

I wyll neuer-more her se

Nor dele with her ywys

The stuarde sayd lorde do not so

Thou shalte her neyther brenne ne slo

But do as I shall you tell

sig: [A4v]

205

Marrocke sayd this counceyll I

Banysshe her out of your londe preuely

Ferre in exyle

Delyuer her an ambelynge stede

And an olde knyght her to lede

210

Thus by my councell loke ye do

And gyue them some spendynge

That may them oute of the londe to brynge

I wolde no better than so

and an-other mannes chylde sholde be your heyre

215

It were neyther good nor fayre

But if it were of your kynne

Than sayd the kynge so mote I the

Ryght as thou sayest so shall it be

And erst wyll I neuer blyne

220

Lo now is exyled that good quene

But she wist not what it dy[d]e mene dyde] dyne 1561, did P

Nor what made hym to begynne

To speke to her he ne wolde

That made the quenes herte full cold

225

And that was grete pyte and synne

He dyde her cloth in purple wede

And sette her on an olde stede

That was both croked and almost blynd

He toke her an olde knyght

230

Kynne to the quene and syr Roger hyght

That was bothe curteyse and kynde

Thre dayes he gaue hym leue to passe

And after that daye set was

Yf men myght them fynde

235

The quene sholde be brenned stercke deed

In a fyre with flames rede

This came of the stuardes mynde

Forty florens for theyr expence

sig: B1

The kyng bad gyue them in [his] presence his] this 1561, his P

240

And commaunded them to go

The lady mourned as she sholde dye

For all this she wiste not why

He fared with her so

The good knight comforted thei quene

245

And sayd at goddes wyll all must bene

Therfore madam mourn you no more

Syr Roger hathe for her muche care

For ofte she mourned as she dyd fare

And cryed and syghed full sore

250

Lordes knyghtes and ladyes gente

Mourned for her whan she wente

And [b]e_wayled her that season be_wayled] he wayled 1561, P

The quene began to make sorow and care

Whan she from the kynge should fare

255

With wronge agayne all reason

Forth they wente in nombre thre

Syr Roger the quene and the grehounde truely

A wo worthe wycked treason

Than thought the stuarde truely

260

To do the quene a velany

And to werke with her his will

He ordeyned hym a company

Of his owne men pryuely

That wolde assent hym tyll

265

All vnder a wodes-syde they dyde ly

There-as the quene sholde passe by

And helde them wonder styll

And there he thought verely

This good quene for to lye by

270

His lustes to fullfill

And whan the came into the wood the] hee P

Syr Roger and the quene so good

sig: [B1v]

And there to passe without doubte

With that they were ware of the stuarde

275

How he was comynge to them-warde

With a full grete route

Here is treason sayd the quene

Alas sayde syr Roger what may this mene

With foes we be sette rounde aboute

280

The knyght sayd here wyll we dwell

Our lyues shall we full dere sell

Be they neuer so stoute

Madame he sayde be not a_ferde

For I thynke with the same swerde

285

That I shall make them loute

Than cryed the stuarde to syr Roger on hye

And sayde olde traytoure thou shalte dye

For that I go aboute

Syr Roger sayde not for the

290

My dethe shalt thou sore abye

For with the I wyll fyght

He wente to hym full shor[te]ly shortely] shoretly 1561

And olde syr Roger bare hym manly

Lyke a full hardy knyght

295

He hewed on them boldely

There was none of that company

So hardy nor so wyght

Syr Roger hyt on one the hede

That to the gyrdell the swerde yede

300

Than was he of hym quyte

He smote a stroke with his swerde good

That all aboute hym ranne thei blodde

So sore he dede than smyte than] them P

Truely his grehounde that was so good

305

Dyde helpe his maister and by him stode

Full bytterly he gan byte

sig: B2

Than that lady that fayre fode

She fered Marrocke in her mode

She lyght on fote and lefte her stede

310

And ranne fast and wolde not leue

And hydde her vnder a grene greue

For she was in grete dred

Syr Roger than the quene gan beholde

And of hys lyfe he dyde nothynge holde

315

His good grehounde dyde helpe hym in-dede

And as it is in romaynes tolde

Fourtene he slewe of yemen bolde

So he quited him in that stede

If he had be armed ywys

320

All the maystry had be his

Alas he lacked wede

As good syr Roger gaue a stroke

Behynde hym came syr Marrocke

That euyll myght he spede

325

He smote syr Roger with a spere

That to the ground he dyde hym bere

And fast that knyght dyde blede

Syr Marrocke gaue him such a wound

That he dyed there on the grounde

330

And that was a synfull dede

Now is syr Roger slayne certaynly

He rode forthe and lette hym lye

And soughte after the quene

Fast the rode and sought euery waye the] hee P

335

Yet wyste the not where the quene laye the] he P

Than had that traytour tene

Ouer all the wodde he her sought

But as god wolde he founde her nought

Than waxed he wrothe I wene

340

And helde his iourney euyll besette

sig: [B2v]

That he not with the quene had mette

To haue had his pleasure that traytoure kene

And whan he coude not that lady fynde

Homewarde they began to wende

345

Harde by where syr Roger laye

Thei stuarde hym thruste throughout

For of his deth he had no dought

And thus the story dooth saye

Whan thei traytoure had done so

350

He let hym lye and wente hym fro

And toke no thought [that] daye that] no 1561, that P

Yet all his company was nye gone

Fourtene he lefte there deed for one

There passed but foure a_waye

355

Than the quene was ful wo

And whan she sawe that they were go

She made sorowe and crye

Than she rose and wente agayne wente] wennte 1561

To syr Roger and founde hym slayne

360

His grehounde by his fete dyde lye

Alas she sayde that I was borne

My true knight now haue I lorne

They haue hym here slayne

Full pyteously she made her mone

365

And sayd nowe must I go alone

The grehunde she wolde haue had full fayne

The hounde styll by his maister dide lye

He lycked his woundes and dyde whyne and crye

This to se the quene had payne

370

And sayd syr Roger this haste thou for me

Alas that euer it shoulde so be

Her heere she tare a_twayne

And than she wente and toke her stede

She no lenger there abede

sig: [B3]

375

Leest men shode fynde her there

She sayd syr Roger now thou arte dede

Who shal me now the ryghte waye lede

For now thou may[st] speke no more mayst] mayw 1561, mayst P

Ryght on the grounde there-as he laye dede

380

She kyssed hym or she from hym yede

God wote her herte was sore

What for sorowe and drede

Fast awaye she gan her spede

She wyste not whether ne where

385

The good grehounde for wele ne wo

Wolde not fro the knyght go

But laye and lycked his wounde

He wente to haue heled hym agayne

And therto he dyde hys payne

390

Lo suche loue is in a hounde

This knight laye tylle he dyde stynke

The grehounde than began to thynke

And scraped a pytte anone

Therin he drewe the deed corse

395

So he couered with erth and mosse

And from hym he wolde not gone

The grehounde laye styll there

This quene gan forthe fare

For drede of her fone

400

She had grete sorowe in her harte

The thornes pricked her wonder smert

She wyst not whether to go

This lady forthe fast gan hye

In-to the londe of hongrye

405

Thyder came she with grete wo

At laste she came to a woddes-syde

But than coude she no ferther r[y]de ryde] rede 1561, ryde P

Her paynes toke her so

sig: [B3v]

She lyghted downe in that tyde

410

For there she dyde her trauayll abyde

God wolde that it sholde be so

Than she with muche payne

Tyed her horse by the rayne

And rested her there tyll her paynes were go

415

She was delyuered of a man-chylde swete

And whan it beganne to crye and wepe

It ioyed her herte gretelye

Soone after whan she might stere

She toke her chylde to her full nere

420

And wra[p]ped it full softely wrapped] wranped 1561

What for wery and for wo

They fell aslepe bothe-two

Her stede stode her behynde

There came a knyght rydynge nere

425

And founde this lady so louely of chere

As he hunted after the hynde

The knyght hyght Barnarde_Mausewynge

That founde the quene slepynge

Under the grene-wood lynde

430

Softely he wente nere and nere

He lyghted on fote and behelde her chere

As a knyght curteese and kynde

He awaked that lady of beaute

She loked on [him] pyteously him] full 1561, him P

435

And was a_ferde full sore

He sayde what do you here madame

Of whens be you and what is your name

Haue ye your men forlorne

Syr she sayd yf ye wyll wete

440

I am named Margarete

In Aragon was I borne

Here I haue suffred moche grefe

sig: [B4]

Helpe me syr out of this myschefe

At some towne that I were

445

The knyght behelde the lady good

Hym thoughte she was of gentyll blode

That was so harde bestadde

He toke her vp curteysly

And the chylde tha[t] laye her by that] tha 1561

450

Them bothe wyth hym he ladde

And made her haue a woman at wyll

Tendynge to her as yt was sk[y]ll skyll] skell 1561, skill P

All for to brynge her a_bedde

What-so-eue[r] she wolde haue euer] euee 1561

455

She neded it not longe to craue

Her speche was ryghte sone spedde

They christened the child with grete honoure

And named hym syr Tryamoure

Than the were of him gladde

460

Grete gyftes to him was gyuen

Of lordes and ladyes by_dene

In bokes as I redde

There dwelled that lady longe

With muche ioye the[m] amonge them] then 1561, them P

465

Of her they were neuer wery

The chylde was taught grete norture

A mayster hym had vnder his cure

And taught him curteysye

This chylde waxed wonderous well

470

Of grete stature bothe flesshe and fell

Euery man loued hym truely

Of his company all folke were gladde

None other cause in-dede they hadde

The chylde was gentyll and bolde

475

¶Now of the quene lette we be

And of the grehounde speke we

sig: [B4v]

That I erst of tolde.

¶Longe seuen yere so god me saue

He dyde kepe his maisters graue

480

Tyll that he waxe olde

This grehounde sir Roger had kepte longe

And brought him vp syth he was yonge

In storyes as it is tolde

Therfore he kepte so there

485

By the space of seuen yere

And go from hym he ne wolde

Euer vpon his maystres graue he lay

Ther myght no man haue hym a_way

For hete neyther for colde

490

Without it were ones a daye

He ranne aboute to gete hys praye

Of beestes that were bolde

Conyes whan he might them gete

Thus wolde he laboure for his mete

495

Yet grete honger he had in holde

And seuen yere he dwelled there

Tyll it befell on that one yere

Euen on christmasse-daye

The grehounde as the story sayes

500

Came to the kynges palayes

Withoute ony delaye

Whan the lordes were sette to mete sone

The grehounde into thei hall ronne

Amonge the knyghtes gaye

505

All aboute he gan beholde

But he sawe not what he wolde

Than wente he his waye full ryght

Whan he had sought and coude not fynd

He dyde full gentylly his kynde

510

Spede better whan he myght

sig: B5

The grehounde ranne forth his waye

Tyll he came where his maister laye

As faste as euer he mought

The kinge maruayled on that dede

515

Frome whens he came and whyder he yede

Or who hym thyder brought

The kynge thought he had sene hym ere

But he wyste not well where

Therfore he sayde ryght nought

520

Soone he bethought hym then

That he hym erste ken

And sate styll in a thoughte

The other daye in the same wyse

Whan the kynge from hys mete sholde ryse

525

The grehounde came in tho

All aboute there he sought

But the stuarde founde he nought

Than agayne he began to go

Than sayde the kynge in that stounde

530

Me-thynke that it [is] syr Rogers hounde is] 1561 omits, is P

That wente forthe with the quene

I trowe they be come agayne to this lond

Lordes all this I vnderstonde

It maye ryght well so be

535

If that they be into thys londe come

We shall haue worde therof sone

And within shorte space

For neuer syns the wente ywys

I sawe not the grehounde or this

540

It is a marueylous case

Whan he cometh agayne folowe hym

For euermore he wyll renne

To his maystres dwellynge-place

Rynne and go loke ye not spare

sig: [B5v]

545

Tyll that ye come there

To syr Roger and my quene

Than the thyrde daye amonge them all

The grehounde came into the hal

To mete or they were sette

550

Marrocke the stuarde was within

The grehounde thought he wolde not blynne

Tyll he with him had mette

He toke the stuarde by the throte

And asonder he it botte

555

But than he wolde not byde

For to his graue he ranne

There folowed hym many a manne

Some on hors and some besyde

And whan he came wher his mayster was

560

He layde hym downe vpon the grasse

And barked at the menne agayne

There myght no man hym fro that place gete

And yet with staues the dyd him bete

That he was almoste slayne

565

And whan the men saw no better bote

Than yede the home on hors and fote

With grete wonder I wene

The kynge sayde by goddes payne

I trowe Marrocke hath syr [R]oger slayn Roger] Soger 1561

570

And with treason flemed my quene

Go ye and seke there agayne

For there the houndes mayster is slayne

Some treson there hath bene

Thyder the wente so god me saue

575

And founde syr Roger in his graue

For that was soone sene

And there they loked hym vpon

For he was hole bothe flesshe and bone

sig: [B6]

And to the courte hys body the brought

580

For whan the kynge dyde hym se

The teres ranne downe from his eye

Full sore it him forthought

The grehounde he wolde not from this corse fare

Than was the kynge caste in care

585

And sayde Marrocke hathe done me tene

Slayne he hathe that curteyse knyght

And flemed my quene wyth grete vnright

As a traytoure kene

The kynge let drawe anone-ryght

590

The stuardes body that false knyghte

With horse through the towne

Than he hanged hym on a tre

That all men myght his body se

That he had done treason

595

Syr Rogers body the next daye

The kynge lette bury in good araye

With many a bolde baron

The grehounde wolde neuer awaye

By nyght nor yet by daye

600

But on the grounde he dyde dye

The kynge dyde sende his messengere

In euery place fere and nere

After the quene to spye

But for ought he coude enquere

605

He coude of that lady nothynge here

Therfore the kynge was sory

The kynge sayd I knowe no rede

For wele I wote my quene is dede

For sorowe nowe shall I dye

610

Alas that euer she fro me wente

This false stuarde hathe me shente

Through his false trechery

sig: [B6v]

This kinge lyued in grete sorowe

Euery day bothe euen and morowe

615

Tyll that he were brought to grounde

He lyued thus many a yere many] manly 1561

Wyth mournynge and with euyll chere

Hys sorowes lasted longe

And euer it dyde hym grete payne

620

Whan he thought howe syr Roger was slayne

And how helped hym hys hounde

And of hys quene that was so mylde

How she went from him grete Wt child

For wo than dyde he sounde

625

Longe-tyme thus lyued the kynge

In grete sorowe and mournynge

And often-tymes dyde wepe

He toke grete thought more and more

It made his herte wery sore

630

Hys syghes were sette so depe

NOw of the kyng wyll we blinne

And of the quene let vs begyne

And her sonne Tryamoure

For whan he was fourtene yere olde

635

There was no man so bolde

That durst do hym dysshonoure

In euery lymme bothe styffe and strong

Of stature he was bothe large and longe

And comely of hyghe coloure

640

All that euer he dwelled amonge

He dyde neuer none of them wronge

That was the more his honoure

In that tyme sekerly

Dyed the kynge of hungry

645

That was of grete age ywys

He had no heyre his londe to holde

sig: C1

But a douter of fourtene yere olde

Fayre Elyne she named is

She was as whyte as lely-floure

650

And comely of her gaye coloure

The fayrest of ony towne or towre

She was well-shapen of fote and hande

Pere had she none in no lande

She was so fresshe and so amerous

655

For whan her fader was deed

Grete ware began to sprede

In that londe aboute

Than that ladyes counsaile gaue her rede

To gete her a lorde her lande to lede

660

To rule the realme without doubte

Some myghty prynce that well myght

Rule her lande by reason and ryght

That all men to hym myght loute

And whan her counsayle had sayd so

665

For grete nede that she had therto

She graunted them without lye

That lady sayd I will no fere

But he be prynce or prynces pere

And chefe of all chyualry

670

Therto she dyd consente

And ga[u]e her lordes commaundement

A grete I[u]stynge for to crye

And at that Iustynge sholde so be

What man that sholde wynne the degre

675

Sholde wynne that lady truely

The daye of Iustynge was sette

Halfe a yere wythoute lette

Withoute ony more delaye

Bycause they m[i]ght haue good space might] meght 1561

680

Lordes an[d] dukes of euery place and] an 1561

sig: [C1v]

For to be there that daye

Lordes thei beste of euery lande

Herde tell of this tydyng tydyng] rydand P

And made them redy full gaye

685

Of euery lande there was the beste

Of the states thei moost hon[e]st[e] the] the the 1561, the P; honeste] honasty 1561, honest P

Attyred many a lady gaie

Grete was the chyualry

That came that tyme to hungry

690

To Iust there with might

At laste Tryamoure herde tydynge

That there shoulde be a Iustinge

Thyder wolde he wende

If he west that he myght gayne

695

With all his might he wolde be fayne

That gaye lady for to wynne

He had no horse ne none other gere

Nor no wepen with hym to were

That brake his harte a_twayne

700

He thought bothe euen and morowe

Where he myght some armer borowe

Ther-of wolde he be fayne

To syr Barnerde he [than] gan mene he than] he he 1561, then he P

That he wolde hym armours lene

705

To Iuste agayne the knyghtes of mayne

Than sayd Barnarde what hast thou thoughte

Pardy of Iustynge thou canst nought

For ye be not able wepen to welde

Syr sayd Tryamoure wh[a]t wote ye what] whot 1561

710

Of what strengthe that I be

Tyll I haue assayed in felde

Than syr Barnarde that was full hende

[Sayd] Tryamoure yf thou wylte wende Sayd] 1561 omits, said P

Thou shalt lacke no wede

sig: C2

715

[I wyll lende the all my gere] upper margin trimmed

Hors harneys shelde and spere

Thou arte nothenge to drede

Also thyder with the wyll I ryde

And euermore be by thy syde

720

To helpe the yf thou haue nede

All-thynge that thou wylte haue

Golde and syluer yf ye wyll craue

Thy Iourney for to spede

Tho was tryamoure glad and lyght

725

And thanked barnard with al his might

Of his grete proferinge

That daye the Iustynge sholde be

Tryamoure set hym on his kne

And asked his moders bl[e]ssynge blessynge] blssynge 1561

730

At home she wold haue keped hym faine

But all her laboure was in vaine

There myght be no lettynge

She sawe it wolde no better be

Her blessynge she gaue hym verely

735

With full sore wepynge

And whan it was on the morowe-daye

Tryamoure was in good araye

Armed and well dyght

Whan he was sette on stede

740

He was a man in lengthe and brede

And goodly in mannes syghte

Tryamoure to the felde gan ryde

And syr Bar[n]arde by his syde Barnarde] Bararde 1561

Theyr hartes was Iocunde and lyght

745

There was none in all the felde

That was more semelyer vnder a shelde

He rode full lyke a knyght

Than was the fayre lady set

sig: [C2v]

[Full hye vpon a turret] upper margin trimmed

750

For to beh[o]lde that playe beholde] behelde 1561, behold P

There was many a semely knyght

Prynces dukes and lordes of myght

Them-selfe for [to] assaye to] 1561 omits, to P

With helmes on theyr hedes bryght

755

That all the fylde shone on that light

They were so stoute and gaye

Than syr triamoure and syr Barnard

They presed them in to the felde warde

There durste no man say naye

760

There was moche prees and pryde

Whan euery man to the other gan ride

And lordes of grete renowne

It befell tryamoure that t[y]de tyde] tede 1561

For to be on his fathers syde

765

The kynge of Aragon

The fyrste that rode forth certaynly

Was a grete lorde of Lombardy

A wonderfull bolde baron

Tryamoure rode hym agayne

770

For all that lord had myght and mayn

The chylde bare hym adowne

Than cryed syr Barnarde with honoure

A Tryamoure tryamoure

For men sholde hym kenne

775

Mayde Elyne that was so mylde

More she behelde Tryamoure the chylde

Than all the other menne

Than the kynges sonne of Nauerne

Wolde not his body warne

780

He prycked forthe on the playne

Than yonge tryamoure that was so stoute

Torned hym-selfe rounde aboute

sig: [C3]

[And faste rode hym agayne] upper margin trimmed

So neither of them were to ground cast

785

They sate bothe so wonder faste

Lyke men of muche myght

Than came there forthe a batchelere

A prynce proude without pere

Syr Iames forsothe he hyght

790

He was the Emperours son of almaine

He rode syr tryamoure agayne

With harde streyngthe to fighte

Syr Iames had suche a stroke in-dede

That he was tombled from h[i]s stede his] hes 1561

795

Than fayled hym all his myghte

There men myght se swerdes braste

Helme ne shelde myght not laste

And thus it dured tyll nyght

But whan the sonne drewe ferre west

800

That all the lordes wente to reste

[................................] The rhyme-scheme indicates that a line has dropped out here

The knyghtes attyred them in good araye

On stedes grete with trappour gaye

Before the sonne gan shyne

805

Than to the felde the prycked preste

And euery man thought hym-selfe beste The rhyme-scheme indicates that a line has dropped out here

Than they fyersly rane to_gether

Grete speres in pyces dyd shyuer

Theyre tymber myght not laste

810

And at that tyme there dyde ronne

The kynge Aradas of aragon

His sone tryamoure m[et]te hym that tyde mette] mtete 1561This line is printed twice in 1561, and the second instance is omitted here

And gaue his father suche a rebounde

That horse and man fell to the grounde

815

So stoutly gan he ryde

Than the nexte knyght that he mette

sig: [C3v]

[Was syr Iames and suche a stroke hym set] upper margin trimmed

Of the shelde there on the playne

That the blode brast out at nose and yeres

820

His stede vnto the grounde hym beres

Than was syr Barnarde fayne

That maide of grete honoure

Sette her loue on yonge tryamoure

That faughte alwaye as a fyers lyon

825

Speres that daye many was spente

And Wt swerdes there was many a strype lente

Tyll the[m] fayled lyght of the sonne them] they 1561

On the morowe all the were fayne

For to come vnto the felde agayne

830

With grete spere and shelde

Than the duke of Cycyll syr Fyla[r] Fylar] Fylax 1561, Phylar P

That was a doughty man in euery warre

He rode fyrste into the felde

And tryamoure toke his spere

835

Agayne the duke he gan it bere

And smote hym in the shelde

A_sonder in two peces hit wente

And than many a louely lady gent

Full well the hym behelde

840

Than came forthe a knyght that hyght terry

He was a grete lorde of Surry

He thoughte noble try[a]m[o]ure to assayll tryamoure] tryomrure 1561

And tryamoure rode to hym blyue

In all the strengthe that he myght dryue

845

He thought he wolde not fayle

He smote hym so in that stounde

That horse and man fell to the grounde

So sore his stroke he sette

Than durst there no man to tryamoure ryde

850

For fortune helde all on his syde

sig: [C4]

All that dayes thre

Syr Iames: sonne vnto the Emperoure

Had enuy to syr Tryamoure

And layde wayte for hym pryuyle

855

At the laste Tryamoure came rydynge by

Syr Iames sayd traytoure thou shalt dye

For thou hast done me shame

He rode to Tryamoure with a speare

And throughe the thyghe he gan hym bere

860

He had almoste hym slayne

But Tryamoure hyt hym on the heed

That he fell downe starke deed

Than was all his men woo

Than they wolde haue slayne tryamoure

865

Without he had had the greter socoure

They purposed to do so

With that came the kynge Aragus then

And rescued tryamoure with all his men

That stode in grete doubte

870

Than syr barnarde was full woo

That tryamoure was hurte soo

Than to his owne house he hym brought

But whan the mother sawe her sones wound

S[h]e fell downe for sorowe to the grounde She] Se 1561, shee P

875

And after a leche she sente

Of this all the lordes that was at Iustynge

To the palayes they made hyenge

And to that lady wente

Truely as the story sayes

880

They pricked forth to the palayes

The ladyes wyll to here

Bachelers and knyghtes preest

That she myght chose of them the beest

Whiche to her faynest were

sig: [C4v]

885

The lady behelde all that fayre meyne

But tryamoure she coude not se

Tho chaunged all her chere

Tho she sayd lordes wher is he

That euery daye wanne the degre

890

I chose him to my fere

All aboute they tryamoure sought

He was ryden home they founde hym nought

Than was that lady wo

The knyghtes wer afore her brought

895

And of respyte she them besought

A yere and no mo

She sayde lordes so god me saue

He that me wanne he shall me haue

Ye wote well that my cry was so

900

They all consented her vntyll

For she had sayd nothynge yll

They sayd it sholde be do

For whan they had all sayde

Thus answered that fayre maide

905

I wyl none but t[ry]amoure tryamoure] tyramoure 1561

Than all the lordes that were present

Toke theyr leue and home wente

There wanne they lytell honoure

Syr Iames menne were nothynge fayne

910

Bycause there mayster was slayne

That was so stoute in stoure

In chare his body they layde

And ladde him home as I haue sayde

Unto his fader the Emperoure

915

And whan that he his sonne gan se

A sory man than was he

And asked who hathe done that dysshonoure

They sayde we wote not who it was ywys

sig: D1

But syr Tryam[o]ure he named is Tryamoure] Tryamnure 1561

920

So called the hym in the crye

The kynge of Aragon also

He helped thy sonne to slo

With all his company

They sayde they be good warryours

925

They bete vs with sharpe shoures

With g[r]ete velany

Alas sayd the Emperoure

Tyll I be venged on that traytour

Now shall I neuer sease

930

They shall haue many a sharp shower

Bothe the kynge and Tryamoure

They shall neuer haue pease

They Emperoure sayd the sholde repent

And after grete company he sent

935

Of prynces bolde in prese

Dukes erles and lordes of pryse

With a great army the boke sayes

They yede to Aragon withoute lesse

Kynge Aragus was a_dradde

940

For the Emperoure suche power had

That batayle wolde hym bydde

He sawe his londe nye ouergone

And to a castell he fledde anone

And vytaylled yt for drede

945

The Emperoure was bolde and stoute

And bysyeged the castell aboute

Hys baner he began to sprede

And arayed hys hoost full well and wysely

With wepens stronge and myghty

950

He thought to make them drede

He gaue a salte to the holde salte: see OED s.v. sault (=assault)

Kynge Aragus was stoute and bolde

sig: [D1v]

Ordeyned hym ful well Perhaps emend 'well' to 'fast' for rhyme.

With gonnes and grete stones rounde

955

Were throwen downe to the grounde

And on the men were caste

They brake many backes and bones

Thus they foughte euery daye ones

Whyle seuen wekes dyde laste

960

The Emperour was hurt yll therfore

His men were hurt sore

All his Ioye was paste

Kynge Aragus thought full longe

That he was bysyeged so stronge

965

With so muche might and mayne

Two lordes forth on message he sente

And strayte to the Emperoure the went

So whan they coude hym se

Of peas they gan hym praye

970

And take trewes tell a certayne daye

They kneled downe on theyr kne

And sayde our kynge sendeth worde to the

That he neuer your sone dyd sle

So he wolde quyte hym fayne

975

He was not than pr[e]sente presente] prysente 1561

Nor in no wyse dyde consente

That your sonne was slayne

That wyll he preue yf ye wyll so

Your-selfe and he bytwene you two

980

If ye wyll it sayne

Or els take yourselfe a knyght

And he wyll do another to fyghte

On a certayne daye

If that your knyght happe so

985

Our[s] for to dyscomfyte or slo Ours] Our 1561, ours P

As by fortune it maye

sig: D2

Our kyng than wyll do hym your wil

And be at your byddynge loude and styll

Withoute more delaye

990

And also yf it betyde

That your knyght on [y]our [s]yde your syde] our ryde 1561, your syde P

B[e] slayne by myschaunce Be] By 1561, be P

My lorde shall make your warre sease

[...................................] The rhyme-scheme indicates that a line has dropped out here

995

Without any dystaunce

Th'emperoure sayd withoute fayle

Sette a daye of batayle

By assent of the kynge of Fraunce

For he had a great company

1000

In euery realme he wanne the renoume

So the Emperoure sesed his distaunce

Whan pease was made and trewes tane

The kynge of arag[on] was a Ioyfull man aragon] aragus 1561

And trusted vnto tryamoure

1005

So after hym he sende without fayle

For to do the grete batayle

To his helpe and socoure

His messengers were come and gone

Tydynges of hym herde they none

1010

The kynge aragus thought hym longe

And he be deed he sayd I maye saye alas

Who shall than fyghte with Marradas

That is so stoute and stronge

¶When tryamoure was hole and sounde

1015

And well heled of his wounde

He busked h[i]m for to fare him] hem 1561, him P

He sayde moder with mylde chere

And I wyst what my fader were

The lesse were my car[e] care] car 1561

1020

Sonne she sayde thou shalt wete

sig: [D2v]

Whan thou hast maried that lady swete

Thy fader thou shalt kenne

Moder he sayd yf [y]e wyll [so] ye] he 1561, you P; so] 1561 omits, soo C

Haue good-daye for now I go

1025

To do maystryes yf I can

Than rode he ouer dale and downe

Tyll he came to Aragowne

Ouer many a wery waye

Aduentures many dyd him befell

1030

And all he scaped full well

In all his greate Iourneye

He sawe many a wylde beest

Bothe in hethe and in wylde forest

He had good grehoundes thre

1035

To a harte he let them rene

And that .xiiii. fosters aspied hym sone

So thretenynge hym gretely

They yede to him withe wepens on euery syde

It was no bote to bydde them byde

1040

Tryamoure was lothe to fle

He sayde to them lordes I you praye

Lete me in pease wende my waye

To seke my grehoundes thre

Than sayde Tryamoure as in this tyme

1045

Of golde and syluer take all myne

If that I haue trespased ought

They sayd we wyll mete with the anone

There shall no golde borowe the sone

But in pryson thou shalte be brought

1050

Suche is the lawe of the grounde

Whosoeuer therin be founde

Other waye go they nought

Than syr Tryamoure was full wo

That he sholde to pryson go

sig: [D3]

1055

He thought the flesshe to dere bought

There was no more to saye

The fosters at hym gan laye

With strokes sterne and stoute

There tryamoure wyth them fought

1060

And to they grounde some he brought

He made them lowe to loke

Some of them faste gan praye

The other fledde faste awaye

With woundes wyde that they soughte

1065

Tryamour rod and sought his grehoundes

He harkned to here ther yerning loude

And thoughte not for to leue them so

At laste he came to a water-syde

There he sawe the beest abyde

1070

That had slayne of his grehoundes

The thyrde full sore troubled the hynde

And he hurte hym with his tinde

Than was tryamoure wo

If the batayle had lasted a whyle

1075

The harte wolde the hounde begyle

And take his lyfe for euermore

Tryamoure smote at the dere

That to the harte wente the spere

Than his horne he blewe full sore

1080

The kynge laye ther-besyde

At a maner that same tyde

He herde a horne blowe

They had grete wonder in hall

Bothe squyers and knyghtes all

1085

For no man coude it knowe

With that [r]anne in a foster ranne] eanne 1561

Into the hall with euyll chere

He was full sory I trowe

sig: [D3v]

The kynge of tydynges gan hym frayne

1090

He answered syr kynge your kepers be slayne

And lye deed on a rowe

There came a knyght that was myghty

He let thre grehoundes renne full wyghty

And layde my felowes full lowe

1095

He sayd it was full true

That the same that the horne blewe

That all this sorowe hath wrought

Good kynge aradas sayd than

I haue grete nede of suche a man

1100

God hath hym hyther broughte

The kynge commaunded knyghtes thre

He sayd go fetche that gentleman to me

That is now at his playe

Loke none yll wordes to hym ye breke

1105

But praye hym with me for to speke

I trowe he wyll not saye naye

Euery knyght his stede hente

And lyghtly to the wodde the wente

To seke Tryamoure that chyld Tryamoure] Tryamoure tryamoure 1561, Tryamore P

1110

They founde hym by a water-syde

Where he brake the best that tyde

That harte that was so wylde

The sayde syr god be at your game

He answered them euen the same

1115

Than was he aferde of gyle

Syr knyght [t]he sayde is it your wyll the] he 1561, they P

To come and speke our kynge vntyll

W[i]th wordes meke and mylde With] Weth 1561

Tryamoure asked them shortely

1120

What hyght your kynge tell you me

That is lorde of this londe

This londe hyght aragowne

sig: [D4]

And Aradas our kynge with crowne

His place is here at hande

1125

Tryamoure wente vnto the kynge

And he was gladde of his comynge

He knewe hym at the fyrste syght

The kynge toke hym by the hande

And sayd welcome to this lande

1130

And axet hym what he hyght

Syr my name is tryamoure

Ones ye helped me in a stoure

As a noble man of myght

And now I am here in your londe

1135

So was I neuer erste I vnderstonde

By god full of myght

Whan the kynge wyst that it was he

His herte reioysed gretely

Thre tymes he dyde downe fall

1140

And sayd tryamoure welcome to me

Grete care and sorowe I haue for the

And he tolde hym all

With the Emperoure [I] toke a daye I] he 1561, P

[To] Defende me yf that I maye To] 1561, P omit

1145

To Iesu wyll I call

For I neuer his sonne slewe

God it knoweth I saye but true

And helpe me I truste he shall

Than sayd tryamoure [I am full wo] I am full wo] tho 1561, I am fulle woe C

1150

That ye for me haue be greued so

If I myght it amende

And at the daye of batayll

I trust to proue my myght well

If god wyll grace me sende

1155

Than was kynge Aradas very gladde

And of Maradas he was not adradde

sig: [D4v]

Whan he to the batayle sholde wende

He Ioyed that he sholde well spede

For Tryamoure was ware at nede

1160

Agenste hys enemie to defende

There Tryamoure dwelled with the kynge

Many a weke withoute lettynge

He lacked ryghte noughte

And whan the daye of batayle was come

1165

Th'emperoure with his men hasted him soone

And many wo[n]der thoughte wonder] woder 1561, wonder P

He brought thyder bothe kynge and knighte

And Maradas that was of myghte

To batayle hym he broughte

1170

There was many a semely man

Mo then I tell you can

And of them all he ne roughte

Bothe partes that ylke daye

Into the felde toke the waye

1175

They were all-redy dyghte

The kynge there kyssed tryamoure

And sayde I make the m[i]ne heyre this houre mine] mene 1561

And doube the a knyght

Syr sayde tryamoure take no drede

1180

I trust that Iesu wyll me spede

For you be in the ryght

Therfore throughe goddes grace

I wyll fyghte for you in this place

With the helpe of oure lordes myght

1185

Bothe partyes were full sore

To holde the promis that was made before

To Ihesu gan the call

Syr tryamoure and Marradas

Well-armed they bothe was

1190

A_monge the lordes all

sig: E1

Eche of them were sette on stede

All menne of Tryamoure had drede

That was so hynde in all hynde: =hend

Marradas was styfe and sure

1195

There myght no man his strokes endure

But that he made him falle

Than rode the tog[yd]er full right togyder] toger 1561, together P

Wyth sharpe speres and swerdes bryght

They smote togyther sore

1200

They spende speres and brake sheldes

They poused foule in the feldes poused: =pushed

Eyther fomed as dothe a bore

All the wondred that behelde

How they fought in the felde

1205

There was but a lyte

Marradas fared fa[y]re wode fayre] fare 1561, fyer P

Bycause treamoure so longe stode

Sore gan he smyte

Syr Tryamoure fayled of Maradas

1210

That stroke lyght vpon hys horse

The swerde to grounde gan lyght

Maradas sayd it is g[r]ete shame grete] gete 1561

On a stede to wreke his game

Thou sholdest rather to smyte me

1215

Tryamoure swore by goddes myghte

I had leuer it had on the lyghte

Than wolde I not be sore

But here I gyue the stede myne

Bycause that I haue slayne thyne

1220

By my wyll it shal be so

Maradas sayde I wyll noughte

Tyll I haue hym with strokes boughte

And wonne hym here in fyght

Syr Tryamoure lyghted from his horse

sig: [E1v]

1225

And to Maradas strayte he gose

For bothe on fote they dyde lyght

Syr tryamoure spared hym nought

And euer in hys herte he thought

This daye was I made a knyght

1230

And thought that he hym-selfe wolde be slayn sone

Or elles of hym I wyll [wynne] my shone wynne] 1561 omits, win P

Throughe goddes myght

The layde eche at other with good wyll

With sharpe swerdes that was made of stele

1235

That sawe many a wyght

Grete wonder it was to beholde

The strokes that was bitwixte them so bolde

All menne might it se

The [were] wery and had so gretely bledde were] where 1561

1240

Maradas was sore a_drede

He faynted than gretelye

And that tryamoure lyghtely behelde

And fought fyersly in the felde

He stroke Marradas so sore

1245

That the swerde through the body ranne

Than w[a]s the Emperoure a sory man was] wys 1561, was P

He made them pease for euer-more

He kissed the kinge and was his frende

And toke his leue homewarde to wende

1250

No lenger there dwell wolde he

Than the kynge Aradas and tryamoure

Wente to the palayes with grete honoure

In-to that ryche cyte

There was Ioye withoute care

1255

And all they had grete welfare

Ther myght no better be

They hunted and rode many a_where

Full grete pleasure they had there

sig: E2

Amonge the knyghtes of pryce

1260

The kynge profered hym full fayre

And sayd Tryamoure I make the myne heyre

For thou arte stronge and wyse

Syr Tryamoure sayd syr truely

In-to other countreys go wyll I

1265

I desyre of you but a stede

Unto other londes wyll I go

Some grete aduentures for to do

Thus wyll I my lyfe lede

The kynge was very sory tho

1270

Whan that he wolde from hym go

He gaue hym asure wede

Also plenty of syluer and golde

And a stede as he wolde

That nothynge wolde fere

1275

He toke his leue of the kynge

And mourned at his departynge

Than hasted he hym there

The kinge saide tryamoure that is m[y]ne myne] mene 1561

Whan thou lyst it shalbe thyne

1280

And my kyngdome lesse and more

¶Nowe is tryamoure forth go

Lordes and ladyes for hym were wo

Euery man loued hym there

Treamoure rode in hast truely

1285

Into the londe of hongry

Aduentures for to seke

Bytwene two mountaynes thei sothe to saye

He rode forth on his waye

With a palmer he dyde mete

1290

He axed almes for goddes sake

And tryamoure he hym not forgate

He gaue hym with wordes swete

sig: [E2v]

The palmer sayde tourne ye agayne

Or els I fere ye wyll be slayne

1295

Ye may not passe but ye be bette

Tryamoure axed why so

Syr he sayde there [be] brethren two be] 1561 omits, be P

Tha[t] on the mountayne dwelles That] Than 1561, that P

In fayth sayd tryamoure yf there be no mo

1300

I truste in god that waye to go

If this be trewe that thou telles

He badde the palmer good-daye

And rode forth on hys waye

Ouer hethe and feldes

1305

The palmer prayed to hym full fast

Tryamoure was not agast

He blewe hys horne full shyll

He had not ryden but a whyle

Not the mountenaunce of a myle

1310

Two knyghtes he sawe on a hyll

The one of them to hym gan ryde

The other styll gan abyde

A lytell ther-besyde

And whan the tryamoure spye

1315

The sayd traytoure torne or thou shalt dy

Therfore stand and abyde

Eyther agayne other gan ryde faste

Theyr strokes made theyr speres to braste

And made them woundes full wyde

1320

The other knyght that houed tho

Wondred that tryamoure dured so

He rode to them that tyde

And departed them a_twayne

To speke fayre he began to frayne

1325

With wordes that sounded well

To tryamoure they sayd anone

sig: [E3]

So dughty a knyght knowe I none

Thy name that thou vs tell

Tryamoure sayd fyrst wyll I wete

1330

Why that ye do kepe thys strete

And where that ye do dwell

They sayde we had a brothere hyght Maradas

With the Emperoure forsothe he was

A stronge man well I_knowe

1335

In aragon before the Emperoure

A knyght men called hym syr tryamoure

In batayll there hym slewe

And also we say anoder

Burlonge our elder broder

1340

As a man of muche myghte

He hath besyged sothely

The kynges doughter of houngry

To wedde her he hathe hyght

And so well he hathe spedde

1345

That he shall that lady wedde

But she may fynde a knyghte

That Burlonge ouercome maye

To that they haue take a daye

[To] wage batayle and fyghte To] 1561, P omit

1350

For that same Tryamoure

Loued that lady paramoure

As it is before tolde

If he wyll to houngry

Nedes he muste come vs by

1355

To mete with him [w]e wolde we] he 1561, wee P

Tryamoure sayd I saye not naye

But my name wyll I tell this daye

In fayth I wyll not layne

Thynke your Iourney well besette

1360

For with tryamoure ye haue mete

sig: [E3v]

That your brother hath slayne

Welcome they sayde tryamoure

His deth shalte thou repente sore

Thy sorowe shall begynne

1365

Yelde the to vs anone

For thou shalte not from vs gon

By no maner of gynne

They smote fyersly at hym tho

And tryamour agaynst them to

1370

Withoute more delaye

Syr tryamoure proued him full prest

And brake the spere on theyr breste

He had suche assaye

His shelde was broken in pyeces thre

1375

His horse was smiten on his kne

So harde at hym they thraste

Syr tryamour than was ryght wode

And slewe the one there-as he stode

With his swerde full preest

1380

That other rode his waye

His herte was in grete afraye

Yet he tour[ne]d agayn that tyde

Whan Tryamoure had slayne his brother

A sory man was that other

1385

And streyghte agayne to hym dyde ryde

Than they two sore fought

That the other to the grounde was broughte

Than were they bothe slayne

Tho the lady on tryamoure thought

1390

For of hym she knewe ryght nought

She wyst not what to saye

The daye was come that was sette

The lordes assembled withoute lette

All in good araye

sig: [E4]

1395

Burlonge was redy dyght

He bad the lady sende her knyght

She answered I ne may

For in that castell she had hyght

To kepe her with all her myght

1400

As the story dothe saye

She sayde yf Tryamoure be alyue alyue] aleyue 1561

Hyther wyll he come blyue

God sende vs grace to spede

With that came in syr Tryamoure

1405

In the thyckest of that stoure

Into the felde withoute drede

He axed what all that dyde mene

People shewed that a batayle there shuld bene

For the loue of that Lady

1410

He sawe Burlonge on his stede

And strayte to hym than [h]e yede he] ye 1561, he P

That lady chalengeth he

Burlonge axed hym and he wolde fight

Tryamoure sayde with all my myght

1415

To slee the or thou me

Anone they made them redy

There knewe hym none sykerly

They wondred what he shoulde be

Hye in a toure stode that goodly lady

1420

She knewe not what knyght verely

That with Burlonge dyde fyght

Fast she axed of her men

Yf they coude that knyght kenne

That to batayle was dyght

1425

A gryffon he bereth all of blewe

An heraude of armes soone hym knewe

And sayde anone-ryght

Madame god hath sente you socoure

sig: [E4v]

For yonder is tryamoure

1430

That with Burlonge wyll fyghte

To Ihesu gan the lady praye

For to spede him on his Iourney

That he aboute yede

Than these knightes ranne togyder

1435

The speres in pyeces gan shyuer

They fought full sore in-dede

There was no man in the felde tho

That wyst who shold haue the better of them two

So myghtyly the dyde them bere

1440

The batayle lasted wonder longe

Though Burlong was neuer so strong

There founde he his pere

Tryamoure a stroke to hym mynt

His swerde fell downe at that dynt

1445

Out of his hande him fro

Than was Burlonge wonder gladde

And the lady was very sadde

And many were full wo

Tryamoure axed his sworde agayne

1450

But Burlonge gan hym frayne

To knowe fyrst his name

And sayde tell me fyrst what thou hyght

And whi thou chalengest this ladi bright

Than shalt thou haue thy swerd agayn

1455

Tryamoure sayde so mote I the

My name wyll I tell truely

Therof I wyll not doubte

Men call me syr tryamoure

I wanne this lady in a stoure

1460

A_monge barons stoute

Than sayde Burlonge thou it was

That slewe my brother Maradas

sig: F1

A fayre happe the befell

Syr Tryamoure sayde to hym tho

1465

So haue I done thy bretherne two

That on the mountayne dyde dwell

Burlonge sayd wo may thou be

For thou hast slayn my bretherne thre

Sorowe hast thou sought

1470

Thy swerde getest thou neuer a_gayn

Tyll I be venged and thou slayne

Now am I well bethought

Syr Tryamoure sayd no force tho

Thou shalt repente it or thou go

1475

Do forth I drede the nought

Burlong to smyte was redy bowne

His fete slipped and he fell downe

And Tryamoure ryght well wrought

Hys swerde lyghtly he vp hente

1480

And to Burlonge faste he wente

For nothynge wolde he flee

And as he wolde haue rysen agayne

He smote his legges euen atwayne

Harde fast by the knee

1485

Tryamoure badde hym stande vpryghte

And all men may se now in fyghte

We ben mete of [a syse] a syse] assayse 1561, a size P

Syr tryamoure suffred hym

To take another wepen

1490

As a knyght of moche pryce

Burlonge on his stompes stode

As a man that was nye wode

And faught wonder faste

And syr Tryamoure strake strokes sure

1495

For he coude well endure

Of hym he was not aferde

sig: [F1v]

And vnder his ventayle

Hys heed he smote of withoute fayle

With that in pecys his swerde braste

1500

Nowe is Burlynge slayne

And Tryamoure with mayne

Into the castell wente

To that lady that was full bryght

And at the gate she mette thei knyght

1505

And in her armes she him hente

She sayd welcome Syr tryamoure

Ye haue bought my loue full dere

My herte is on you lente

Tho sayde all the barons bolde

1510

Of hym we wyll oure landes holde

And therto they dyd assente

Ther is no more to saye

But they haue taken a certayne daye

That they bothe shall be wedde

1515

Syr tryamoure for his mother sente

A messenger for her wente

And into the castell her ledde

Tryamoure to his moder gan sayne

My fader wolde I knowe fayne

1520

Syth I haue so well spede

S[h]e sayde kynge Aragus of Aragon She] Se 1561, shee P

He is thy father and thou his sonne

I was his wedded quene

A lesynge was borne me on honde

1525

And falsely flemed out of his londe

By a traytoure kene

Syr Marrocke he hyght that dyde me wo

And my knyght Syr Roger he dyde slo

That my gyder sholde haue bene

1530

And whan that tr[y]amoure all herde tryamoure] tramoure 1561, Tryamore P

sig: [F2]

[And how his moder to him sayde] upper margin trimmed

Letters he made and wrought

He prayed kyng aragus to come him til

If that it were his wyll

1535

Thus he hym besought

If he wyll come to hungry

For his manhode and his maystry

And that he wolde fayle hym noughte

Tho was kynge aragus very gladde

1540

The messengers grete gyftes had

For the tydynges that the brought

They daye was come that was sette

Lordes came thyder wit[h]out lette without] witwout 1561

And ladyes of grete pryde

1545

Than wolde they no lenger lette

Shortly forthe they her fette

With two dukes on euery syde

The lady to the chyrche they ledde

A bysshoppe them togyder dyd wedde

1550

In full grete haste they hyed

Soone after that weddynge

Syr Tr[y]amoure was crowned kynge Tryamoure] Tramoure 1561, Tryamore P

They wolde no lenger a_byde

The quene his moder Margarete

1555

Before the kynge she dyde sete

In a goodly cherre

Kynge Aradas behelde his quene

Hym thought that he had her sene

She was a lady fayre

1560

The kynge sayd is it your wyll

For to tell me what is your name

I praye you with wordes fayre

My lorde she sayde I was your quene

Your stuarde dyde me mekyll tene

sig: [F2v]

1565

That euyll myght hym befall

The kynge spake no mo wordes

Tyll the clothes were drawen fro the bordes

And men rose in the hall

And by the hande he toke the quene gente

1570

So in the chambre forthe he wente

And there she tolde hym all

Than was there grete ioye and blysse

Whan they togyder gan kysse

Than all the company made Ioye ynowe

1575

The yonge quene [was] full gladde was] 1561, P omit

That she a kynges sonne to her lorde had

She was gladde I trowe

In Ioye togyder they ledde theyr lyfe

All theyr dayes withoute stryfe

1580

And lyued many a fayre yere

Than kynge aradas and his quene

Had ioye ynoughe them bytwene

And merely lyued togyder

And thus we leue of tryamoure

1585

That lyued longe in grete honoure

With the fayre Elyne

I pray god gyue theyr soules good rest

And all that haue herde this litell gest

Hye heuen for to wynne

1590

God graunte vs all to haue the grace

Hym for to se in the celestiall place

I praye you all to saye. Amen

¶Imprinted at London in Temes_strete vpon the thre_Crane_wharfe By wyllyam_Copland